Народниот правобранител, Фатон Селами, веќе иницирал активност за усогласување на законите кои се однесуваат на полагањето на правосудниот испит, вклучувајќи ја правната практика, нотарството и извршителите. Тој истакнува дека до сега Законот за употреба на јазиците, донесен во 2019 година, не се применувал во пракса. Според Селами, актуелните закони не предвидуваат можност испитите да се полагаат на друг јазик освен македонски, што создава правни и практични пречки за кандидатите Албанци кои ја завршиле правната настава на својот мајчин јазик.
„Утврдивме дека ова создава правни и практични проблеми за кандидатите чиј мајчин јазик е албанскиот, кои ги завршиле своите правни студии во прв и втор циклус на својот мајчин јазик. Поради ова и поради досегашното неприменување на законот, поднесовме конкретна иницијатива за хармонизација на овие закони, така што тие да имаат конкретна примена.“, изјави Селами.
Од друга страна, Фатон Положани од ДУИ истакнува дека Законот за јазиците овозможува студентите да полагаат правосуден испит и на албански јазик. Според него, примената на законот, како на централно така и на локално ниво, значително напреднало во периодот кога ДУИ била дел од Владата.
„Примената на Законот за јазиците, конкретно на албанскиот јазик и употребата на албански во државните институции на централно и локално ниво, достигна највисоки фази на употреба во институциите. Сметам дека во периодот кога ДУИ беше во Владата, граѓаните се сведоци колку напреднало нивото на користење на албанскиот јазик.“, изјави Положани.
Меѓутоа, студентите, незадоволни од неприменувањето на законот, најавија марш односно протест на 6 април и повикуваат граѓаните да им се приклучат, истакнувајќи дека случајот не треба да се политизира од политичките партии.