За 8 дена Северна Македонија регистрираше 2.688 нови случаи на Ковид-19, од вкупно 15.469 направени тестирања. Најмногу заразени има во скопските општини, односно во Аеродром, Карпош, Центар, Кисела Вода и Ѓорче Петров. Вчера, во земјава беше регистриран најцрн баланс со дури 445 позитивни случаи на коронавирус.
АКТИВНИ СЛУЧАИ ВО СКОПСКИ ОПШТИНИ
АЕРОДРОМ 400
ЦЕНТАР 353
КАРПОШ 344
КИСЕЛА ВОДА 232
ГАЗИ БАБА 180
ЃОРЧЕ ПЕТРОВ 169
Општината Чаир која во првиот бран имаше највисок број заразени, сега брои 84 случаи. По неа следува Бутел со 74 и Илинден со 28 случаи. 17 случаи имаат Сопиште и Сарај, Шуто Оризаре-13 и Странец – 11. Од 8 до 3 случаи имаат општините Петровец, Чучер Сандево, Зелениково, Арачиново и Студеничани. Но, на државно ниво, најмногу активни случаи има во Скопје. Од вкупно 2.688 нови случаи кои беа регистрирани во изминативе 8 дена, 1969 се во Скопје.
АКТИВНИ СЛУЧАИ ПО ГРАДОВИ
СКОПЈЕ 1969
СТРУМИЦА 281
ТЕТОВО 226
КОЧАНИ 201
ПРИЛЕП 181
КУМАНОВО 168
ШТИП 125
БИТОЛА 111
ДЕЛЧЕВО 103
Во Крушево нема ниту еден активен случај. Еден случај има во Демир Хисар, во Македонски Брод-2, во Кратово-3, во Пехчево-4, во Ресен-10, а по 18 активни случаи имаат Неготино и Пробиштип.
Над 30 активни случаи има во Гевгелија, Гостивар, Велес, Струга, Кавадарци, Радовиш, Охрид, Дебар, Крива Паланка, Берово, Валандово, Винце, Дебар, Свети Николе и Кичево.
Скопје го држи рекордот и по смртните случаи. За 8 дена на територијата на целата држава имало 40 починати во 15 градови. Само вчера 9 пациенти ја изгубија битката со коронавирус.