Од планираните 830 летови, денеска аеродромот во Минхен, Германија ќе реализира само околу 100 поради штрајк, соопшти управата на аеродромот денеска.
Штрајкот би требало да трае до петок навечер, а тоа значи дека и утре ќе има откажани летови. Штрајкот ја погодува сојузната држава Баварија, каде што следната недела почнуваат карневалскиот празници.
Штрајкот во Минхен е само еден во низата на штрајкови кои ги почна синдикатот на вработените во јавната администрација. Исто така претходно и аеродромите во Дизелдорф и Келн беа во штрајк. Истовремено се штрајкува и на аеродромот во Хамбург, но таму само малку летови се „погодени“.