Основното училиште „Беса“ во село Вешала со одлука на Советот на општината ќе добие нова локација. Училишната управа од село Вешала ќе биде преместена во Мала Речица, а ќе биде диспензирана во село Вешала и село Бозовце.
„Училиштето ќе биде со нова локација и ќе има дисперзации. Локацијата ќе биде во изградениот објект во Мала Речица, каде ќе биде централното училиште и ќе има периферни училишта во Вешала и Бозовце“, вели Бесар Дурмиши.
Според директорот на училиштето со ваквата одлука настава од првото до петтото училиште ќе се одвива во село Бозовце и Вешала, а од шесто до деветто одделение во градот Тетово.
„За среќа од прво до петто одделение учениците настава ќе следат овде во Вешала и Бозовце, додека од шесто до деветто одделение ќе се обезбеди превоз до централното училиште во Мала Речица“, порача Шафајет Рамадани.
Но проблем е и тоа што секоја година бројот на ученици се намалува.
„Учебната година 2022/2023 не беше како сите други години. Ние бевме обврзани да ги известиме надлежните органи за состојбата. Од 1 септември досега дадовме шест документи за трансфер во градот и во странство. Не станува збор само за преселување во рамките на државата туку и во странство“, додава Шафајет Рамадани.
Во овие две тетовски села сега има само 25 ученици, а вработени се 22 наставници и 7 административци и технички работници. Во овие училишта пред неколку години имало околу 400 ученици, но преселбата во градот и иселувањето ги испразни тетовските села.