Пандемијата го спасила да плати сметка од 100 илјади долари

ПОСЛЕДНИ ВЕСТИ

Италијанецот Франческо Персико, кој службено отпатувал во Америка каде се заразил со коронавирусот, освен што завршил во болница, се соочил со проблем – сметка од 100 илјади денари која требало да ја плати за неговото лекување.

Се случило тоа пред осум месеци кога Персико, заменик градоначалник на местото Азано Сан Паоло во близина на Бергамо, е примен во болница во Њујорк затоа што бил позитивен на коронавирус. Во тоа време вирусот бил малку познат, а СЗО се уште немаше прогласено пандемија.

Франческо на почетокот на март ги почувствувал првите симптоми, и после една недела добил покачена температура. Земал парацетамол, мислејќи дека станува збор за обичен грип, но истиот не му помогнал во следните четири дена, а тогаш почнал да чувствува вртоглавица и главоболка.

Со кола на брза помош бил пренесен во болница. Во тој период Њујорк не бил подготвен за епидемија, а Персико бил еден од првите заразени. Дури себе си се смета за нулти пациент.

„Болничарите ме изолираа, и кај мене влегуваа заштитени, но преку стакло ги гледав кога се пресоблекува во ходникот. Тогаш почна да губам здив, па ме префрлија во интензивно одделение и ми ставија масла со кислород“, рече Франческо.

После тоа стигнува нова негативна вест – сметка од 100 илјади долари колку барала болницата, плус 2.500 долари за брзата помош.

„Бев осигуран, но се грижев затоа што еден ден таму чини 8000 долари на интензивна нега“, рече Франческо.

Меѓутоа осигурувањето не било доволно, затоа што имало клаузула во која вели дека доколку СЗО прогласи пандемија, лекувањето го плаќа пациентот. Тоа што го спасило било фактот дека пандемијата била прогласена после неколку дена откако бил примен во болница.

Но, тоа не било крај на изненадувањата. Франческо во хотелот му било испратено писмо во кое бил повикан да се спакува и да замине. Морал да најде ново место каде што би бил во карантин до 4. април, а потоа да се врати во Италија, и во тоа успеал.