Партиска програма или етнички предзнак?! – Албанците гласале за македонска партија, а обратно не!

Имаше албански гласачи кои ги поддржуваа македонските партии во минатото, вели професорот на УКИМ Јован Близнаковкси во емисијата „Дејли клик“, додека според неговата анализа, македонски гласачи за албанските партии, немало.

Тој потсетува дека само во 2017 година СДСМ успеа да мобилизира дел од албанските гласачи, кога во своите труктури имаше кандидати Албанци, потпретседател Албанец.

Но како гласаат граѓаните? Дали ја гледаат програмата што ја нудат партиите, или гледаат дали партијата е македонска, албанска или од друга етничка заедница.

Близнаковски исто така рече дека на последните претседателски избори за екс претседателот Стево Пендаровски гласале и Албанци, додека за сегашната претседателка Гордана Силјановска Давкова бројот бил помал.