Кевин Кембел, легендарниот напаѓач на Арсенал, кој за лондонскиот тим настапуваше од 1988 до 1995 година, почина на 54-годишна возраст, по кратка битка со тешката болест.
Уште една тажна вест од светот на фудбалот. По трагичната смрт на Матија Шаркиќ, кој почина на 26-годишна возраст, од Островот пристигна уште една шокантна вест.
Кевин Кембел, легендарниот напаѓач на Арсенал и Евертон, почина на 54-годишна возраст, по кратка битка со болеста.
We are devastated to learn that our former striker Kevin Campbell has died after a short illness.
— Arsenal (@Arsenal) June 15, 2024
Kevin was adored by everyone at the club. All of us are thinking of his friends and family at this difficult time.
Rest in peace, Kevin ❤️ pic.twitter.com/Kiywyo7nTr
Токму Арсенал се прости од Кембел на социјалните мрежи.
„Со тага и скршено срце слушнавме дека нашиот поранешен напаѓач Кевин Кембел почина по кратко боледување. Кевин беше обожаван од сите во клубот. Сите сме со неговите пријатели и семејството во ова тешко време“, велат од ФК Арсенал
Кембел помина низ младинската академија на Арсенал, а потоа помина седум години во сениорскиот тим на Топџиите. За нив одигра 213 натпревари на кои постигна 59 голови. Потоа се пресели во Нотингем Форест, па во турски Трабзон, за да игра за Евертон уште седум сезони. Крајот на кариерата го помина во Вест Бромвич Албион, а потоа и во Кардиф.
Тој исто така забележа четири настапи за репрезентацијата на Англија до 21 година, како и еден за Б тимот.