Од 1 јануари цената на струјата за домаќинствата од првиот и вториот блок ќе се намали. Во првиот блок ќе се намали за 4,11%, за вториот блок за 2,95% а за третиот блок ќе се зголеми за 0,85% и за четвртиот за 7,65%. Цената за првиот блок ќе биде 7,41 денар за киловат час, за вториот блок 7,84 денари за киловат час. Во третиот блок цената ќе достигне 8,74 денари и во четвртиот блок 18,81 денари, соопштија од РКЕ. Меѓутоа од 1 јануари во новата цена за електрична енергија се зголемува ДДВ-то од 5 на 10%.
За 20,15% ќе се намали цената на електричната енергија и за малите бизниси кои се дел од регулираниот пазар.
Бислимовски соопшти дека цената за пренос на електрична енергија се намалува за 8,66%, за дистрибуција за 19,54%. На почетокот на оваа година, струјата поскапе за 9,48% а се укина евтината дневна тарифа. Остана евтината тарифа во текот на ноќта и во недела. Според податоците на РКЕ граѓаните почнале да штедат повеќе електрична енергија. Бислимовски апелира така да се продолжи.
Поевтинува струјата за првите два блока, во новата цена на струјата се зголемува ДДВ-то од 5 на 10%
НАЈНОВИ ВЕСТИ
