Полицијата информира дека е пронајден возачот кој избега од местото на сообраќајната несреќа во скопско Радишани, во која на 15 мај беа повредени двајца пешаци, пренесува ТВ21. Според МВР, денеска биле пронајдени возилото „Фиат Пунто“ со скопски регистарски таблички и возачот И.П. (50) на улицата „Мак Диздар“.
“Денеска (16.05.2026) полициски службеници од Единицата за интервентна полиција го пронајдоа возилото и лицето поврзани со сообраќајната несреќа што се случи на 15.05.2026 на ул. „Радишанска“ во Скопје, во која две лица (пешаци) се здобија со повредени, а возачот го напушти местото на настанот. Возилото „фиат пунто“ со скопски регистарски ознаки и возачот И.П.(50) биле пронајдени на ул. „Мак Диздар“ во Скопје. Со возачот е обавен службен разговор и за настанот известен е дежурен јавен обвинител од ОЈО Скопје, по чии насоки возилото е привремено одземено, а по целосно документирање на предметот ќе биде поднесен соодветен поднесок.“, соопштија од МВР.
Фото: МВР