Полска побара од Соединетите Американски Држави екстрадиција на поранешниот министер за правда Збигњев Зиобро, кој е во бегство и се соочува со 26 обвиненија, претежно за наводна злоупотреба на средства од фондот за помош на жртви на кривични дела.
Полското обвинителство соопшти дека преку дипломатски канали до американските власти е испратено барање за негов притвор и екстрадиција.
Зиобро ги отфрла обвинувањата, тврдејќи дека станува збор за политички мотивиран прогон од актуелната проевропска влада.
Според полските власти, Зиобро на 9 мај избегал од Унгарија во САД, откако новиот унгарски премиер Петер Маѓар најави дека повеќе нема да ги штити лицата барани од други држави. Според „Ројтерс“, заменик-државниот секретар на САД, Кристофер Ландау, дал насоки да му биде одобрена американска виза.