Израелската војска денеска истрела две артилериски гранати кон југозападните периферии на Дамаск, објави сирискиот телевизиски канал „Ал-Ихбарија“.
Дописник на каналот изјави дека гранатите паднале во земјоделски области во близина на селото Беит Џин.
Каналот исто така пренесе дека вчера израелските сили истрелале три артилериски гранати кон област во близина на браната „Ал-Мантара“, во централниот дел на покраината Кунеитра.
Од падот на режимот на Башар ал-Асад во декември 2024 година, Израел го прошири своето воено присуство во тампон-зоната меѓу Сирија и окупираната Голанска Висорамнина, а исто така навлезе и во области во јужна Сирија – со што го прекрши Договорот за раздвојување на силите од 1974 година.
Дамаск во повеќе наврати побара повлекување на израелските сили од сириска територија, истакнувајќи дека овие упади го нарушуваат суверенитетот на земјата, како и Договорот за раздвојување на силите.