Првичните испитувања на експертите покажаа дека мостот Беласица во Скопје кој беше зафатен од пожар пред околу еден месец, може да пуштен во употреба за пешаци, велосипедисти и една лента за возила.
Вака изјави градоначалничката на Скопје, Данела Арсовска која додаде дека безбедноста на граѓаните е на прво место, затоа нема да брзаат да го пуштат за сообраќај.
Во моментов се врши вештачење кое се очекува да заврши за 20 дена и потоа ќе се знае дали мостот треба да се санира и уште колку време ќе биде затворен за граѓаните.
Иако помина еден месец од пожарот на мостот Беласица, причините и виновникот се уште не се познати. Градоначалничката на Скопје апелира до органите на редот да постапуваат побрзо за откривање и санкционирање на виновниците.
Инаку, затворањето на мостот Беласица кој ја поврзува Железничката станица во Скопје со ТЦ Ист Гејт Мол предизвикува голем сообраќаен метеж.