Постои ли опрема за прислушување? Одговара Тошковски

Има ли Министерството за внатрешни работи информации дека постои уште опрема за прислушување, бидејќи старата беше уништена?

На ова прашање во дебатниот магазин „Click Plus“ на ТВ21 одговори министерот Панче Тошковски.

Според него, овој систем денес е поразличен од тој претходно.

„И така како што е поставен, навистина ценам дека се сведени на минимум можностите за злоупотреба на истиот. Секогаш е возможно од нешто кое што е ставено во функција како што треба, да биде злоупотребено. Оној кој што ќе каже дека не е возможно, или се лаже себеси или ги лаже другите“, вели Тошковски.