Пожарот во кавадаречкиот регион повторно се реактивираше и се прошири на тешко пристапен терен, поради што надлежните служби ги засилија активностите за негово локализирање.
Во гаснењето од воздух се вклучени два ер трактори на Дирекцијата за заштита и спасување, кои од утрово дејствуваат врз најкритичните делови од пожарот.
На терен е и градоначалникот на Кавадарци, Митко Јанчев, кој ја следи состојбата и координацијата на активностите со службите ангажирани во справувањето со огнената стихија.
Надлежните продолжуваат со интензивни напори за ставање на пожарот под контрола, а поради непристапниот терен интервенцијата е дополнително отежната.