Вака денес изгледаше Скопје.
Црниот чад се гледаше од сите делови на главниот град.
Чадот доаѓаше од депонијата во населбата Визбегово, дел од општина Шуто Оризари. Гореше отпад.
-Од утрово пожарот ги зафати отпадите во близина на Шуто Оризари и Визбегово, надлежните се на терен за да го локализираат пожарот, пренесе репортерката на ТВ21, Фазиле Халили.
Од полицијата информираа дека големиот пожар избувнал околу 09:16 часот на пункт за старо железо, каде што се запалиле оштетени возила со плински боци, што предизвикало и експлозии.
Досега, според МВР, не е зафатена приватна сопственост, а едно лице е повредено и пренесено на лекарска помош.
На местото дојде и градоначалникот на Шуто Оризари.
Покрај пожарникарите и граѓаните кои помогнаа во гаснењето, вода се фрлаше и со хеликоптер. Од МВР информираа дека хеликоптерот „Austa Bell 212“ беше испратен за да помогне во гаснењето, но потоа, како што додаваат, поради силниот ветер и густиот чад, хеликоптерот беше повлечен на база.
Потоа, на барање на Центарот за управување со кризи, интервенираше и „Ер Тракторот“ на Дирекцијата за заштита и спасување.
И како да не беше доволно оваа хаос, имаше и расправија! Полицијата го уапси сопственикот на фирмата што управува со депонијата.
-Поради непочитување на наредбите на полициските службеници, е уапсен А.Н., сопственикот на фирмата што управува со депонијата. Се преземаат мерки за гаснење на пожарот и целосно расветлување на случајот, велат од МВР.
ТВ21 се обрати и на официјалниот број на компанијата „Asd Metal Group“, каде се јави една дама, но на прашањето за став, таа рече дека не е расположена да даде изјава.