Пожарникарите и денеска се борат да ги изгаснат остатоците од пожарот во близина на Атина, во кој загина една жена, запалија зграда, ја зафати шумата и принуди евакуација на илјадници луѓе.
Повеќето од огнените фронтови стивнаа три дена по избувнувањето на пожарот, но властите предупредија да не се опуштаат.
„Пожарот сè уште трае. Се уште не е ставен под контрола“, изјави пожарникар.
Државните инспектори почнаа да ги проценуваат оштетените згради додека жителите се враќаат на нивните опожарени имоти, надевајќи се дека ќе најдат некои остатоци.
Стотици пожарникари со помош на 12 авиони го гаснат пожарот од неделата, додека пожарот се прошири од шума во близина на градот Варнавас, на 35 километри од главниот град, до северните предградија на Атина.
Грчката национална опсерваторија соопшти дека пожарот оштетил околу 10.000 хектари земја. Причината за пожарот се уште не е утврдена.
In #Greece, flames are advancing on #Athens despite the efforts of firefighters
The fire is approaching residential neighborhoods in the capital's #Attica region, and authorities are urging residents to be prepared to evacuate. Firefighters and volunteers are fighting the blaze… pic.twitter.com/WyclkbD8ti
— 𝕏 𝐁𝐫𝐞𝐚𝐤𝐢𝐧𝐠 𝐍𝐞𝐰𝐬 (@cheguwera) August 13, 2024