Разделбата на АА од ВРЕДИ – Али Ахмети: Таравари сфати, се надевам и другите ќе сфатат

Првите симптоми дека АА ќе си замине од ВРЕДИ се забележаа од моментот кога Таравари рече дека има канали за комуникација со ДУИ. Дека имало комуникација потврди и првиот човек на ДУИ, Али Ахмети.

-Како што изјави господинот Таравари, имав краток телефонски разговор и ништо повеќе, изјави претседателот на ДУИ, Али Ахмети.

Според Таравари, причината поради која АА не постигна договор со другите челници на ВРЕДИ е тоа што тој сакал да оди на локални избори со посебна листа на советници, на што другите не се согласиле. Сепак, Ахмети вели дека има друга причина.

-Со ангажманот на политичките партии на ВРЕДИ во извршната власт на Република Македонија, тие направија девалвација и ги понижија Албанците во Република Македонија. Континуирано ги повикувавме да ги напуштат институциите за да не станат дел од понижувањето. За да не бидат дел од девалвацијата на Албанците. Што побрзо тоа го сфатат сите…како што изгледа од сите изветшаи кои стигнуваат кај мене, г. Таравари сфатил дека позициите на Албанците во Македонија е само како слуга и тоа што им кажува агата тоа го прават, се надевам дека и другите ќе сфатат, изјави претседателот на ДУИ, Али Ахмети.

Новинар: Но, ако ДУИ почне да соработува со Таравари, што ќе биде со Зиадин Села?

-Јас сум во секојдневен контакт со господинот Зиадин Села и тој е во тек како и јас, изјави претседателот на ДУИ, Али Ахмети.

Дали ќе остане на Европскиот фронт и како ќе продолжи, ова ќе го дознаеме во понеделник на Клик плус, каде гостин ќе биде Зиадин Села.