Бројката на жртви од разорниот земјотрес во Мјанмар би можел да биде илјадници лица, тврдат експертите за земјотреси. Оваа земјава утрово ја погоди земјотрес со јачина од 7,7 степени според Рихтер, а спасувачките екипи се на терен и работат на извлекување на телата од неколку урнати згради.
Објекти се урнаа и на Тајланд, во Бангок, каде што најмалку 70 работници се заробени под рушевините на зграда која се урна од разорниот земјотрес.
Се претпоставува дека во моментот на уривање на зградата биле околу објектот 320 работници, а 20 од нив останале затрупани во шахтите на лифтот.
Воената хунта претходно соопшти дека епицентарот на земјотресот бил во близина на Мандалај, вториот по големина град во Мјанмар, и дека луѓето треба да бидат свесни за можни последователни потреси во следните шест часа.
Вонредна состојба е прогласена во областите Сагаинг, Мандалај, Магвеј, во североисточниот дел на државата Шан и во регионите Баго и Најпидау.
Според очевидци, многу згради биле урнати во Мандалеј, Сагаинг и во јужниот дел на државата Шан, вклучувајќи хотел, мост, градинки и станбени згради.
Автопатот Јангон-Мандалај исто така беше оштетен на неколку места, вклучително и мостови, а некои возила останаа заглавени на патот.
Гувернерот на Бангок објави официјална бројка од тројца загинати, но се претпоставува дека бројката е поголема.
Некои експерти песимистички најавуваат дека бројката ќе оди до дури 100.000 жртви од овој разорен земјотрес.
#BREAKING : Myanmar hospital gives initial quake toll of 'about 20' dead
— upuknews (@upuknews1) March 28, 2025
About 20 people have died at a major hospital in Myanmar's capital after a huge earthquake hit the country, causing widespread destruction,#earthquake #Myanmar #Mandalay #bangkokearthquake… pic.twitter.com/mAdQ38N54t