Се судрија два авиона на писта во Дубаи

НАЈНОВИ ВЕСТИ

Два патнички авиона утрово се судрија на пистата на Меѓународниот аеродром во Дубаи, во инцидентот нема повредени луѓе.

Се судрија авион на нискобуџетната компанија ФлајДубаи (FlyDubai) и на компанијата Галф ер (Gulf Air) со седиште во Бахреин.

Компанијата ФлајДубаи соопшти дека еден од нејзините авиони Боинг 737-800, што требало да полета за Киргистан имал „мал инциент” и бил принуден да се врати на почетната позиција, а патниците полетале шест часа подоцна. Во судирот оштетен е врвот на едно од крилата на авионот.

Додека компанијата Галф ер соопшти дека нејзиниот авион е оштетен во задниот дел.

Управата на Меѓународниот аеродром во Дубаи, најпрометниот аеродром пред пандемијата со Ковид-19, соопшти дека поради судирот биле принудени да затворат една од своите две писти на два часа.