Судскиот совет на Република Северна Македонија денеска ќе ја одржи 557. седница, на чиј дневен ред се неколку точки.
Меѓу нив е разгледувањето и усвојувањето на тримесечните извештаи за работата на судовите за периодот април–јуни 2026 година.
На дневен ред е и усвојувањето на извештајот по спроведениот оглас за избор на претседатели на Основниот суд Гостивар, Основниот суд Дебар и Основниот суд Свети Николе.
Судскиот совет ќе го разгледува и извештајот на Комисијата за проверка на рокот за поднесување пријави и комплетноста на документацијата по огласот за избор на претседател на Апелациониот суд Скопје и Основниот суд Струга.
На дневен ред ќе биде и извештајот од работната посета на Основниот кривичен суд Скопје.
На денешната седница ќе се разгледуваат и изборот и разрешувањето на судии-поротници, како и расправата и одлучувањето во врска со извештаите за утврдената состојба.