Шпанскиот премиер Педро Санчез денеска ќе претседава со вонреден координативен состанок со неколку министри, на кој ќе се разгледува состојбата во Сеута по масовниот прилив на мигранти од Мароко во текот на минатата недела.
Како што пренесува агенцијата ЕФЕ, состанокот ќе се одржи преку видеоконференција, а Санчез ќе раководи од државната резиденција Ла Марета на островот Лансароте.
Целта на состанокот е координација на активностите на надлежните министерства и проценка на понатамошните чекори во справувањето со ситуацијата во шпанската енклава во Северна Африка.
На состанокот ќе присуствуваат министерката за одбрана Маргарита Роблес, министерот за внатрешни работи Фернандо Гранде-Марласка, министерката за инклузија, социјално осигурување и миграции Елма Саиз, како и министерката за млади и деца Сира Рего.
Поканет е и државниот секретар за надворешни работи Диего Мартинез, бидејќи министерот за надворешни работи Хосе Мануел Албарес престојува во Колумбија, каде што го придружува шпанскиот крал на инаугурацијата на новоизбраниот претседател на таа земја.