Корисни се шишињата со вода за повеќекратна употреба. Тие ни помагаат да останеме хидрирани, да ја намалиме пластиката за еднократна употреба и да заштедиме пари. Покрај тоа, тие станаа и еден вид моден додаток.
Меѓутоа, постојаното полнење шише со вода има одредени здравствени ризици. Според студијата објавена на веб-страницата waterfilterguru.com, шишињата со вода за повеќекратна употреба содржат во просек 20,8 милиони бактерии кои формираат колонии, што е 40.000 пати повеќе од микробите на тоалетот.
Значи, какви би можеле да бидат последиците од пиење од исто шише постојано и одново и неправилно миење помеѓу употребите?
„Вообичаена заблуда кога станува збор за хигиената на шише со вода за повеќекратна употреба е дека бидејќи само се полни со вода и доаѓа во допир само со устата, нема потреба често да се чисти“, вели др. Доналд Грант за The Independent.
Меѓутоа, секогаш кога пиете од шише, пренесувате бактерии од устата, кои потоа можат да се размножат во шишето.
„Се што е за повеќекратна употреба може да биде склоно кон нечистотија и бактерии“, предупредува др. Сухаил Хусеин.
Во тешко достапните области, на пример, во внатрешноста на капачето на завртката или под преклопната сламка, може да се развие мувла, а има и контаминација од други извори. Имено, бактериите можат да се пренесат во шишето од рацете или од внатрешноста на торбата.
Какви видови микроби се наоѓаат во шишињата со вода?
Според лекарите, шишињата со вода може да содржат бактерии како стрептокок и стафилокок, дури и E. coli, честа причина за уринарни и цревни инфекции. Овие бактерии потенцијално можат да предизвикаат различни проблеми.
“Може да се разболите и да развиете стомачни проблеми, како повраќање или дијареа. Неизмиените шишиња често содржат бактерии кои можат да доведат до инфекции на урогениталниот тракт и пневмонија. Ако мувла се акумулира внатре во шишето, може да предизвика симптоми како течење на носот. кивање или црвенило и чешање на очите. Симптомите може да бидат посериозни за некој со астма“, предупреди др. Грант.
Со цел да се намали ризикот од болести, идеално е да се мие шишето со вода по секоја употреба. Топлата вода и течноста за миење садови се се што ви треба за да се ослободите од бактериите. Ако сте го занемариле шишето неколку дена, натопете го преку ноќ во раствор од половина алкохол оцет и половина вода. Исплакнете и исушете пред повторно да го користите.