Силен земјотрес во Албанија, почувствуван и во Македонија

Земјотрес со јачина од 4,2 степени според Рихтеровата скала ја потресе Албанија во 13 часот и 40 минути. Епицентарот бил на 14 километри од Скадар, а на 57 километри од Подгорица.

Земјотресот бил на длабочина од 10 километри.

Имало многу коментари за земјотресот од Албанија и од Црна Гора, а бил почувствуван и во Македонија со послаб интензитет.

Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, денес 24 јануари 2025 година во 14 часот и 39 минути регистрираше земјотрес чиј епицентар се наоѓа 173 km западно од Скопје, во Република Албанија, со Рихтерова локална магнитуда M_L4.1.

Според досегашните податоци со кои располага опсерваторијата, земјотресот е почувствуван во северозападнитеделови на Републиката со интензитет од III степени според Европската макросеизмичка скала.