Лидерот на романската крајна десница, Џорџ Симион, денес изјави дека ќе се обиде да го оспори изборниот пораз пред Уставниот суд, наведувајќи го мешањето на Франција и Молдавија во романските избори, кои се одржаа во недела.
„Ќе ги оспориме изборите пред Уставниот суд од истите причини поради кои ги поништија изборите во декември. Сега имаме неоспорни докази за вмешаноста на Франција, Молдавија и други актери, во оркестриран обид за манипулирање со институциите, насочување на медиумските наративи и на крајот наметнување резултат што не ја одразува суверената волја на романскиот народ“, рече Симион.
Тој рече дека во Молдавија биле потрошени 100 милиони евра за купување гласови и тврдеше дека „мртви луѓе“ гласале во вториот круг во неделата.