„Скопје сега поблиску до Приштина“, така изјави претседателот на ВЛЕН, Изет Меџити, и соопшти дека се издвоени 200 милиони евра за патот Скопје–Блаце–Приштина. Меџити рече дека градат патишта за да ги приближат луѓето и да создадат нови можности за идните генерации. Од друга страна, и копретседателот на ВЛЕН, Билал Касами, изјави дека се завршени сите бирократски процедури и дека е отворен патот за почеток на работите на автопатот Скопје–Блаце. Касами рече дека Албанците живеат во ера на работа, проекти и развој.
Претседателите на ВЛЕН им честитаа на граѓаните за почетокот на работите на автопатот Скопје–Блаце.
„Скопје сега поблиску до Приштина.
200 милиони евра за патот Скопје–Блаце–Приштина.
Ова е разликата меѓу зборовите и делата. Меѓу празните ветувања и проектите што го менуваат животот на граѓаните.
Ова е нашето владеење. Секое ветување исполнето, секоја обврска претворена во работа. Инвестираме за поразвиена држава, за посилна економија и за поблиски врски меѓу нашите земји.
Градиме километри патишта, затоа што така ги приближуваме луѓето, создаваме можности и отвораме нови хоризонти за идните генерации.
Честитки!!!“, изјави Меџити.
„Автопатот Скопје–Блаце се гради!🫶
Се завршија сите бирократски процедури и се отвори патот за почеток на работите на автопатот Скопје–Блаце.
Скопје и Приштина денес се поблиску од кога било.
Времето на празна демагогија заврши. Албанците живеат во ера на работа, проекти и развој.
Нека е со среќа!“, изјави Касами.