Еден од главните автопати во атинската населба Мартино е превентивно затворен поради снег, додека во понеделник во главниот град на Грција училиштата нема да работат и ќе работат само супермаркетите, аптеките и бензинските пумпи.
Слаб снег од утрово паѓа во Атина и го зафати поголемиот дел од грчката престолнина, а властите упатија предупредување до граѓаните да го намалат движењето на минимум.
Забранета е достава на храна до домашните адреси, со цел да се намали употребата на мотоцикли, кои вообичаено се користат за достава.
Иако снегот е со мала висина и послаб интензивен, се стравува дека може да предизвика бројни проблеми.
Атина нема зимска служба, па припадниците на Цивилната заштита, армијата и другите јавни служби се на терен и ја следат состојбата на терен.
Почнувајќи од оваа година се воведе законска обврска за поседување зимска опрема во сите патнички возила во Грција, без разлика во кој дел од државата се наоѓа.