Собранието не ја прифати Информацијата за иселувањето од Македонија

ПОСЛЕДНИ ВЕСТИ

Собранието на Република Македонија не ја усвои Информацијата за проблемот со се поголемото иселување, особено на младите, поднесена од опозициските пратеници. За Информацијата, на денешното продолжение на 67 седница, гласаа 26 пратеници, а 51 беа против.

Во Информацијата стои дека вкупно 447 000 македонски граѓани се иселиле од државата од кои преку 230 000 во ЕУ и САД што е над 10 отсто од населението, а Светска банка ја рангира Македонија на 23 место од вкупно 25 земји со најмногу мигранти.

Според опозицијата, Македонија полека станува држава на стари лица и пензионери, а иселувањето, особено на младите и на стручните кадри е масовно. ВМРО-ДПМНЕ ги отфрли ваквите тврдења со став дека миграцијата е глобален проблем, тренд секаде во Европа и Македонија не е исклучок.

error: Content is protected !!