Претседателот на Владата Оливер Спасовски на денешната прес конференција истакна дека ќе воведат платежни картички за граѓаните за поголема потрошувачка и за развој на домашните економски дејности.
„Околу 100.000 граѓани на нашата земја ќе добијат платежна картичка вредна 9.000 денари за македонски производи и услуги. Оваа мерка е достапна за сите невработени лица, баратели на работа кој немаат над 15.000 месечни приходи, како и приматели на гарантирана минимална помош“, посочи Спасовски.
Тој додава дека со оваа мерка се зајакнува домашната потрошувачка со фокус на домашните производи и услуги, се зголемуваат безготовинските плаќања и со тоа се намалува сивата економија.
„Оваа платежна картичка може да се користи само за домашни компании и производи, и во определен период од 30 дена. Вредноста на оваа мерка е 16 милиони евра“, објасни Спасовски.