Камерите за безбедност на системот „Safe City“ се поставени на три локации во Тетово. Општината постави и предупредувачки знаци, кои се на два јазици, македонски и албански. Сепак, некои знаци на автопатот Тетово–Скопје и Тетово–Гостивар сè уште не се двојазични.
Друг проблем во градот останува семафорот на Булеварот „Илинден“, блиску до Универзитетот во Тетово. На овој семафор нема посебна лента за свртување лево или десно, што предизвикува казни за возачите кои остануваат на крстосницата, бидејќи се смета за преминување на црвена светло.
Професорот по сообраќај, Агим Незири, вели дека во Тетово сè уште не се исполниле условите за да функционира овој систем.
„Ако го земеме примерот на првата крстосницата која ја имаме пред Универзитетот во Тетово, тука треба да интервенира и сообраќајната полиција и Министерството за транспорт за уредување на јазлите или врските, бидејќи има препреки, има поплаки од граѓаните. Несоодветното почитување на знаците и непочитувањето на предноста на десната страна создава многу недостатоци.“, изјави Незири.
Од Општината Тетово велат дека некои знаци веќе се поставени, а други ќе бидат поставени наскоро. На крстосницата кај универзитетот, тие планираат да постават нов семафор, каде што за свртување лево ќе има посебен семафор и лента.
„Прво се поставени во делот каде е „Safe City“, а следната недела ќе се постават и на другите делови од градот. Имаше некои пропусти кои беа направени на почетокот на проектот, но работиме на тоа да ги подобриме. Тука треба да се најде подобар начин за подобрување на ова. Сега сме во фазата на тендерирање каде што ќе бидат две фази од левата страна каде што треба да се движат граѓаните и потоа во текот на продолжението“, рече Албион Алили.
Посебен проблем се јавува и на влезот на автопатот во Тетово, каде што почетната брзина е 120 км/ч, а потоа се намалува на 100 км/ч, додека камерата од „Safe City“ се наоѓа веднаш по знакот, што не дава доволно време за намалување на брзината.