„Не е забрането кога зборуваме јавно… Често велам Македонија, ниту „Република“ ниту „Северна“.
Вака се изјасни Арбен Таравари од коалицијата „Вреди“ во дебатниот магазин „Click Plus“ на ТВ21 на прашањето како ја коментираат постапката на претседателката на државата, Гордана Силјановска Давкова, која за време на заклетвата не го употреби уставното име, туку само Македонија.
Таравари рече дека Давкова тоа го направила во еуфоријата на изборната кампања.
„Мислам дека г-ѓа Давкова се уште е во еуфорија на изборите. Мислам дека тоа не го направи свесно. Тоа го направи подекларативно за да покаже дека има некаква доследност со изборната кампања. Изјавата како претседател е со „Северна Македонија“, вчера по инаугурацијата беше исто како „Северна Македонија“ Пред да дојдам овде, ме известија дека вчера изјавила дека така користела, но дека во иднина ќе го користи уставното име како Северна Македонија“, рече Таравари.
Сепак, Таравари додава дека претседателот треба да биде пример за почитување на Уставот и изрази уверување дека Давковка отсега ќе ја користи „Северна Македонија“ и дека нема да ја повтори вчерашната ситуација.