Арбен Таравари, предложен за нов министер од редовите на Вреди, денеска најави дека прво што ќе направи во понеделник е разрешувањето на економските директори.
Според него, тие се вршители на должност и тие ќе ги тргне уште на неговиот прв работен ден како министер, а за останатите ќе поднесе закон до Собранието.
„Понеделник ако ја преземам функцијата 90% од економските директори кои се в.д. ќе бидат веднаш разрешени, освен тие што имаат решенија. Ќе имаме веднаш предлог за закон до парламентот за да се смени законот и да не постојат веќе економски директори“, вели Таравари.