Сите воспитувачки и вработени во градинката „Младост“ во Тетово и околните општини, се негативни на Ковид-19 по направениот скрининг од страна на Центарот за јавно здравје – изјави за ТВ21 директорката на градинките во Тетово, Рамије Даути.
Во време на пандемија, градинките се реновираат. Даути вели дека во градинката „Тетекс“ се работи на новата фасада, а исто така се менуваат и креветите.
Во Основните училишта започна уписот, при што се очекува да се запишат околу 1200 ученици, а досега се регистрирани само 450 .
Во Основното училиште „Истикбал“ една наставничка е позитивна на вирусот и поради тоа засега е прекинат уписот во тоа училиште.
Тетовските градинки се очекува да се отворат на 15 јуни ако се намали бројот на заразени, а кога ќе се отворат, температурата на децата и вработените ќе се мери при секое пристигнување во градинката, просторите постојано ќе се дезинфицираат, а децата постојано ќе излегуваат надвор на воздух.