Тошковски за Артан Груби: Ако не се врати сам, на друг начин ќе го донесеме

Министерот за внатрешни работи не сака да шпекулира во однос на информациите каде точно се наоѓа Артан Груби, но вели дека се надева дека ќе се врати во Македонија, за да, како што самиот велеше, докаже дека е невин.

Тошковски додава дека има проприлично големи индиции за сторен голем криминал, а потенцира дека ако сам не се врати, тогаш на друг начин ќе го донесат во земјава. Како за него, така и за неговиот соработник Прпарим Бајрами има меѓународни потерници, по однесената кривична пријава за наводен криминал во „Државна лотарија“. Двајцата не се достапни за органите на прогонот.

„Да, надлежните институции ги превземаат сите потребни дејствија, распишана е меѓународна потерница и за двете лица. Се надевам дека во иднина доколку истиот не покаже доблест да се врати во државата која го хранела повеќе од 40 години, дека ќе се постапи на друг начин за негово обезбедување пред надлежните институции..“, вели Тошковски.

-Каков е тој друг начин?

-Се знае процедурите какви се согласно закон.