Млад човек изгубил контрола над својот автомобил на улицата Горанска во Смедерево во Србија, при што возилото пролизгало и се судрило со цистерна. Во несреќата, која се случила поради обилните снежни врнежи, возачот загинал на лице место.
Истрагата е во тек, а полицијата е на местото на несреќата. Според првичните информации, несреќата се случила на стариот Смедеревски пат, кој води кон Белград.
Поради обилните врнежи и снегот што покрива голем дел од Србија, сообраќајот е отежнат во речиси сите региони. Истражителите се сомневаат дека главната причина за несреќата било лизгањето на патот поради снегот.