Американскиот претседател Доналд Трамп денеска изјави дека неговата следна одлука за продолжување на продажбата на оружје за Тајван претставува ефикасно средство за притисок врз Кина, објави ДПА.
Трамп изјави дека засега го држи во мирување договорот за продажба на оружје вреден 14 милијарди долари, иако тој веќе бил одобрен од Конгресот на САД.
„Зависи од Кина“, изјавил Трамп за Фокс Њуз. „Искрено, ова е многу добра преговарачка алатка за нас. Станува збор за многу оружје“, рекол тој.
Трамп претходно, за време на летот од Пекинг кон САД, изјавил дека одлуката ќе ја донесе во блиска иднина. Додал дека најпрво треба да разговара со Тајван за ова прашање.
Американскиот Конгрес претходно го одобри најновиот договор за оружје со Тајван во јануари 2025 година.
Кина се противи на овие продажби на оружје, бидејќи го смета Тајван за неразделен дел од својата територија, иако островот има независна и демократска влада.
Тајван никогаш не бил дел од Народна Република Кина. Сепак, Пекинг има цел да го стави островот под своја контрола и предупреди дека може да употреби и воена сила доколку обединувањето не се реализира по мирен пат.
САД подолго време ги поддржуваат напорите на Тајван за модернизација на вооружените сили и зајакнување на одбранбените капацитети.