Поранешниот американски претседател и републикански претседателски кандидат Доналд Трамп смета дека Израел треба да ги нападне иранските нуклеарни постројки како одговор на неодамнешниот ракетен напад на Иран.
Трамп ова го изјави во петокот на предизборен митинг во американската сојузна држава Северна Каролина, коментирајќи ја изјавата на американскиот претседател Џозеф Бајден дека нема да поддржи никакви израелски напади врз иранските нуклеарни локации како одговор на ракетниот напад на Иран врз Израел, пренесува Фокс њуз.
Трамп оцени дека Бајден згрешил кога рекол дека иранските нуклеарни локации не треба да бидат цел, наведувајќи дека овие локации треба да бидат цел бидејќи нуклеарното оружје претставува најголем ризик.
„Кога му го поставија тоа прашање, одговорот требаше да биде, прво да ги нападне нуклеарните постројки, а за другото да се грижи подоцна“, рече Трамп.