Доналд Трамп нареди визни ограничувања, тарифи и други мерки против Колумбија.
Американски претседател Доналд Трамп денеска објави дека наредил царини, визни ограничувања и други одмазднички мерки против Колумбија, откако нејзината влада одби два лета со мигранти, пишува „Асошиетед прес“. Оваа одлука тој ја објави на својот профил на социјалната мрежа „Truth Social“.
„Овие мерки се само почеток. Нема да дозволиме колумбиската влада да ги прекрши своите законски обврски во однос на прифаќањето и враќањето на криминалците што ги принудија во САД“, рече американскиот претседател.
Претходно денеска, колумбискиот претседател Густаво Петро изјави дека „неговата влада нема да прифаќа летови со мигранти депортирани од Соединетите Американски Држави додека администрацијата на Трамп не создаде протокол кој ги третира достоинствено“. Колумбија досега прифатила 475 летови за депортација од САД.