Милиони Швеѓани почнаа да добиваат брошури со совети за населението како да се подготви и да се однесува во случај на војна или други неочекувани кризи.
„Во случај на криза или војна“ е брошура од пред шест години, која сега е ажурирана поради, како што шведската влада го нарекува влошување на безбедносната ситуација, осврнувајќи се на руската инвазија на Украина. Книшката сега е исто така двојно поголема, пишува Би-Би-Си.
Соседна Финска, исто така, штотуку објави свои совети за „инциденти и подготвеност за кризи“ на интернет. Норвежаните, исто така, неодамна добија книга со инструкции во која се објаснува како да поминете сами една недела во случај на екстремни временски услови, војна и други закани.
Во деталниот дел за воениот конфликт, финската дигитална брошура објаснува како владата и претседателот би реагирале во случај на вооружен напад, нагласувајќи дека финските власти се „добро подготвени за самоодбрана“.
Шведска и Финска се приклучија на НАТО алијансата во последните две години, по руската инвазија. Норвешка беше основач на Западната одбранбена алијанса. За разлика од Шведска и Финска, владата во Осло одлучи да не печати брошура за секое домаќинство бидејќи тоа „ќе чини милиони“, а дигиталната верзија може полесно да се ажурира.
Во брошурите има и листа на намирници кои треба да ги имате дома. Списокот вклучува храна која не се расипува, како што се конзервирани грав, енергетски шипки и тестенини, како и лекови кои вклучуваат таблети со јод во случај на нуклеарна несреќа. За Швеѓаните, идејата за ваква книга не е ништо ново. Првото издание на „Ако дојде војна“ беше создадена за време на Втората светска војна и беше ажурирано за време на Студената војна.
The new Swedish broschure if "Crises or the the War comes" is here. Latest came in 2018. This one is twelve pages longer and more detailed on armed conflict. It states that Sweden vill never give up https://t.co/dIyCSekzx1 pic.twitter.com/ylj292q8jA
— Patrik Oksanen (@patrikoksanen) October 8, 2024