Три лица биле пронајдени починати во превртено возило „Мерцедес“ кое било пронајдено на патот Блаце – Скопје. Станува збор за едно машко и две женски лица, откако претходно граѓанин на Косово ги пријавил за исчезнати.
„На 19.07.2026 во 22:35 часот во СВР Скопје е пријавено дека на патот ГП Блаце-Скопје има превртено возило “мерцедес” со германски национални ознаки. Веднаш се упатени полициски службеници на местото на настанот и утврдено е дека во возилото има три починати лица ( едно машко и две женски лица). Смрт констатирал лекар од Итна медицинска помош. Претходно, во 13:40 часот во ПС Бит Пззар, државјанин на Косово пријави дека три лица се исчезнати, а последен контакт имал со нив на 18.07.2026 околу 22:15 часот, кога тие биле на аеродромот во Скопје“, стои во објавата на МВР.
Повеќе детали околу идентитетот на починатите се очекува во текот на утрешниот ден.