Елвир Садиковиќ од Асоцијацијата на туристички водичи во денешното издание на емисијата „10 Минути“ на ТВ21 посочи дека туристичките работници се револтирани, а воедно и разочарани затоа што Владата одлучила да не ги вклучи во петтиот пакет мерки.
„Сите туристички водичи, придружници како едни од чинителите во туристичкиот сектор навистина се погодени од оваа криза и очекувавме да бидеме финансиски поддржани“, вели Садиковиќ.
Тој посочи и кои се нивните барања.
„Нашите барања се да бидеме неодложно вклучени во петтиот сет мерки, но и во понатамошните пакети доколку Владата одлучи за нив во наредниот период“, додава Садиковиќ.