Полскиот премиер Доналд Туск денеска изјави дека два полски гранични премина со Украина биле евакуирани поради руските напади на украинска територија во близина на границата.
„Ова е вистинска трагедија на нашето време, бидејќи ова не се случува првпат. Украина повторно е нападната во близина на границата со Полска и повторно моравме да ги евакуираме граничните премини во Хрубјешов и Дорогуск“, изјави Туск пред новинарите на прес-конференција во Варшава.
Според него, Полска треба одлучно да дејствува и да соработува со Украина, бидејќи претстојната есен ќе биде „критична“.