Осомничениот за нападот со автомобил врз пешаци во центарот на Лајпциг во понеделник е идентификуван како 33-годишен Германец, а властите го опишаа неговиот чин како намерен.
Тој бил уапсен без отпор додека сè уште бил во возилото , изјави шефот на полицијата во Лајпциг , Рене Демлер . Обвинителите отворија истрага под сомнение за две убиства и најмалку два обиди за убиства.
Премиерот на Саксонија, Михаел Кречмер, изјави дека е можно напаѓачот да бил ментално болен.
Полицијата соопшти дека тој возел од Аугустусплац, плоштад во источниот крај од центарот на градот, по улицата Гримајше и преку главниот плоштад каде што се наоѓа Старото градско собрание.
Според полицијата, на таа рута се случиле најмалку две сериозни сообраќајни несреќи. Две лица загинаа, а неколку други се повредени, од кои тројца потешко, изјави градоначалникот на Лајпциг, Буркхард Јунг.
Јунг рече дека градските власти мислат на жртвите. „Речиси е неподносливо да се биде сведок на таков чин во понеделник попладне“, рече Јунг, заблагодарувајќи им се на службите за итни случаи.