„Медена земја“ ќе добие Оскар за најдобар документарен филм, прогнозира угледниот „Гардијан“ кој направи анализа пред утрешната церемонија за доделување на Оскарите.
Питер Бридшоу е автор на текстот, филмски критичар и добар познавач на работите. Пишува дека „Медена земја“ ќе ги победи конкурентите „За Сама“, „Пештерата“, „На работ на демократијата“ и „Американска фабрика“.
„Медена земја“ е номиниран во две категории. Покрај најдобар документарен филм, е номиниран и Интернационален (неанглиски) филм.
Церемонијата почнува во 2 часот во недела кон понеделник по македонско време. Ќе се одржи во „Долби“ театарот во Холивуд.