Поради нов дефект на ИТ системот на белградскиот аеродром, денеска (петок, 02.08.2024) во попладневните и вечерните часови може да има повеќе гужви на шалтерите за пријавување летови.
Како последица на тоа, во вечерниот бран може да има значителни доцнења на летовите на авиокомпаниите кои поаѓаат од белградскиот аеродром, вклучително и Ер Србија. Во случај дефектот да не се поправи подолго време, пријавувањето за летот ќе се врши рачно, што дополнително ќе го забави целиот процес. Забавувањето на процесот може да доведе до потенцијални поместувања на аеродромските слотови од страна на европската контрола на летање и дополнителни последователни отстапувања од планираниот распоред на летови, прекувремена работа на екипажот, како и прекувремена работа на одделни аеродроми.
„Ер Србија им се извинува на патниците за најавените отстапувања, кои настануваат поради околности надвор од контрола на српската национална авиокомпанија. Надлежните служби на Ер Србија прават се што е во нивна моќ да ги намалат последиците од дефектот на ИТ системот на белградскиот аеродром За патниците, сите патници кои на крајот ќе ги загубат своите врски, ќе бидат пренасочени на алтернативни летови“, соопштија од Ер Србија.