Екипите на американската крајбрежна стража, кои работат под покровителство на Министерството за внатрешна безбедност, запленија повеќе од 34 тони кокаин за време на голема операција во Тихиот Океан.
„Пратка кокаин беше пресретната од страна на припадници на крајбрежната стража во Тихиот Океан како дел од операцијата насочена кон шверц на наркотици во земјата“, соопшти Министерството за внатрешна безбедност.
Операцијата, која одделот ја нарекува „Забранување на картели“, беше дел од тековната операција „Пацифичка змија“, чија цел се трговските патишта низ меѓународните води.
„Операцијата „Пацифичка змија“ ги продолжува напорите на крајбрежната стража за заштита на татковината, борба против наркотероризмот и спречување на странски терористички организации и транснационални криминални организации и картели кои се стремат да произведуваат и да тргуваат со нелегални дроги во Соединетите Американски Држави“, се вели во соопштението објавено на веб-страницата на американската крајбрежна стража.
Според извештаите на американските медиуми, околу 60 лица се приведени во врска со операцијата. Претходно, американските власти објавија снимки од воздух на кои се гледаат напади врз бродови за кои се сомнева дека превезуваат трговци со дрога.
FIRST ON FOX: Coast Guard seizes over 5K lbs of cocaine and apprehends nearly 60 suspected narco-terrorists as part of its Operation Pacific Viper. pic.twitter.com/MVYFYQYkUe
— Fox News (@FoxNews) September 18, 2025