Најмалку 15 лица ги загубиле животите откако патнички траект се превртел во езерото Кариба во Зимбабве, додека најмалку 27 луѓе, меѓу кои и деца, сè уште се водат како исчезнати, објави „Ројтерс“.
Несреќата се случила во вторникот, кога траектот се превртел на езерото Кариба. Полицијата првично соопштила дека на пловилото имало 90 патници и пет членови на екипажот, но локалните власти подоцна навеле дека за патувањето биле издадени дури 114 билети, што укажува дека бројот на лица на траектот можеби бил поголем.
Спасувачките екипи продолжуваат со потрагата по исчезнатите, додека околностите под кои дошло до превртувањето засега не се целосно разјаснети.
Според последните информации, 15 тела се извлечени од езерото, а најмалку 27 лица остануваат исчезнати.
A ferry carrying 95 people overturned in Zimbabwe, prompting authorities to deploy helicopters and emergency teams to search for survivors. Rescue crews launched an urgent operation after the vessel capsized, with officials working to determine how many passengers had been…
— Tomson (@TomsonWoo) August 12, 2026