Кипар го зголеми нивото на тревога по нападот со беспилотни летала врз британската воена база РАФ Акротири на островот. Властите наредија затворање на училиштата и спроведоа евакуации каде што треба, затоа што земјата е вовлечена во ескалацијата на конфликтот на Блискиот Исток.
Во своето утринско обраќање до нацијата, кипарскиот претседател Никос Христодулидес рече дека безбедноста на земјата е најважната грижа на неговата влада.
„Се наоѓаме во регион на исклучителна геополитичка нестабилност, со бројни предизвици и проблеми, кој моментално поминува низ невидена криза. Правиме сè што е потребно, а безбедноста на нашата земја и граѓаните е наш врвен приоритет“, рече тој.
Тој нагласи дека Кипар, членката на ЕУ најблиску до Блискиот Исток и популарна туристичка дестинација, инсистира дека „нема да се вклучи во никакви воени операции“. „Остануваме посветени на хуманитарната улога што ја игравме цело време – секогаш како дел од решението, а не од проблемот – и ќе продолжиме да дејствуваме со истото чувство на одговорност“, додаде Христодулидес кој кажа дека нападот погодил воени објекти во британската база „Акротири“ и предизвикал мала материјална штета.
🇨🇾🚨Confirmed. Iran attacked Cyprus overnight
— NEXTA (@nexta_tv) March 2, 2026
A drone reached the British airbase on the island, government spokesperson Konstantinos Letymbiotis said at a briefing.
There were no casualties, and only “minor damage” was reported.
The video shows the moment of the strike. pic.twitter.com/tzflBdcvGp
Иран употреби беспилотни летала „Шахед“ за напад врз нафтениот погон „Арамко“ во Рас Танура, Саудиска Арабија. Поради нападот, рафинеријата престана да работи.
Набргу потоа, рафинеријата за нафта „Сауди Арамко“ престана да работи, објави „Скај њуз Арабија“.
BREAKING: Sky News Arabia claims Saudi Aramco’s Ras Tanura refinery was shut down following a drone attack. pic.twitter.com/YGXRzfhQms
— Clash Report (@clashreport) March 2, 2026