Црна мечка се искачила и се заробила на столб за електрична енергија во Ново Мексико, висок околу 10 метри. Инцидентот го снимила Шенон Маленс во понеделник додека патувала по автопатот 56 низ руралниот Гладстон. Нејзиното видео, кое стана вирално, го прикажува животното како се задишува, предните шепи му се држат за столбот, а задните нозе му висат, објави „Телеграф“.
На снимката може да се слушне повик до 911. „Се јавувам за да пријавам мечка на столб за осветлување“, вели машки глас. Операторот на 911 одговара дека веќе се свесни за ситуацијата и дека контактирале со државната агенција за диви животни, но тие им рекле дека не можат да интервенираат.
A woman in New Mexico has captured the bizarre moment a large bear became stuck up a 35ft (10m) telephone pole
— The Telegraph (@Telegraph) July 23, 2026
🔗 https://t.co/ZfHtgWyAhI pic.twitter.com/M87rzacr1d
Објаснувањето било дека инјекција со транквилизер веројатно би предизвикала животното да падне од голема висина. На повикувачите им било советувано да се држат подалеку од мечката.
„На почетокот не можевме да веруваме што гледаме, па се свртевме да погледнеме повторно“, изјави Маленс за Storyful. Таа и нејзиниот придружник првично помислија дека животното е мртво. „Дури кога се приближивме, сфативме дека мечката е сè уште жива“, додаде таа. Далноводите во Соединетите Американски Држави обично се високи околу 33 стапки.
Видеото го сподели Министерството за внатрешни работи на САД во среда, каде што оттогаш има собрано повеќе од 230.000 прегледи. И покрај јавниот протест, исходот беше трагичен. Одделот за риби и диви животни на Ново Мексико потврди за The New York Post дека мечката починала од електричен удар пред службениците да можат безбедно да ја спуштат.