Силниот и обилен дожд што вечерва ја зафати Општина Тетово доведе до зголемен број повици до пожарникарите, бидејќи граѓаните бараат помош.
Еден од повиците пристигна од Желино, каде што комби возило останало заглавено во поплавениот дел кај подвозникот на патот за Сиричино. Четворицата пожарникари успешно го извадија возилото со помош на влечење со јаже.
Полицијата го пренасочува сообраќајот на булеварот „Благоја Тоска“ кај последниот кружен тек покрај касарната, бидејќи овие локации редовно се поплавуваат по интервенции на комуналните служби.
„Во моментов имаме неколку интервенции во Мала и Голема Речица, каде што испумпуваме вода од куќи, дворови и подруми“, изјави Авни Амети, командир на тетовската противпожарна единица.