Во неделата, во 33. коло од шпанската Ла Лига, без победник заврши секогаш жестокото дерби на Севиља.
Фудбалерите на Бетис и Севиља ги поделија бодовите со резултат 1:1. Во 38. минута Бетис поведе на својот стадион Бенито Виљамарин, откако Иско реализираше пенал. Бетис сепак не успеа да ја сочува победата бидејќи Кике Салас со глава постигна 1:1 во 56. минута.
🟢⚪️ Real Betis atmosphere for their derby game against Sevilla. WOW. 👏🇪🇸 pic.twitter.com/rsd3YqER9G
— EuroFoot (@eurofootcom) April 28, 2024
Бетис остана седми на табелата, додека Севиља направи чекор напред и сега е на 12-то место. Натпреварот го одликуваше и одлична атмосфера, бидејќи локалните навивачи на целата трибина подготвија огромна кореографија по повод пресметката со најголемиот ривал.
𝔹𝕒𝕝𝕠𝕞𝕡𝕚𝕖́.#DíaDeBetis #ElGranDerbi pic.twitter.com/UnARI4WboK
— Real Betis Balompié 🌴💚 (@RealBetis) April 28, 2024
На големото платно беше приказ на некогашниот градски живот со мотив на деца кои играат фудбал на улица, а над сликата беа истакнати зборовите чии почетни букви го формираат името Бетис – „Balompié, esencia, tradición, idiosyncrasia y sevillanía“ т.е. „Фудбал, суштина, традиција, идиосинкразија и Севиља“.